يهمنا غير الباك: نكت مغربية

◄ واحد الراجل ديما كيطلع واحد البقرة و كلب لجبل باش ترعا ديما ديما واحد النهار قالتليه البقرة نتا ديما مطلعنا لهاد الجبل محنتينا اصاحبي الراجل تخلع هرب هو والكلب جلس تحت واحد الشجرة يرتاح من الخلعة و هو يقوليه الكلب وخلعاتنا هاد البقرة

◄ قالت إمرأة مشوّهة الأنف: أرأيت بشرا بجمالي و حسن بهائي؟ فرد زوجها: أنت حقا يا عزيزتي ملاك وقع من السماء و لكن على أنفه

◄ دخل سجين جديد الى السجن فقال له مدير نتاع السجن : هدا سجن نمودجي ...... اي انوا نسمح لسجين بان يمارس العمل الدي كان يقوم به برا .........فاي مهنة كنت تمارسها خارج السجن فاجابه السجين : عساس نتاع الباب

◄ واحد قال لمرتو: أنا اليوم بغيت الرومانسية ف الدار. المرا مشات سولات ماماها: مي، أشنا هي الرومانسية؟ قالت ليها ماماها: ما عرفتش أبنتي، ولكن احتياطا رقدي الحمص

◄ هادا واحد مكلخ طاح ف الدروج. خرج ليه الطبيب بومادة و قال ليه دهن بلاصة الطيحة. ناض المكلخ كيدهن ف الدروج

◄ هادو تلاتة د المراوات كيعيقوا على بعضياتهم. وحدة قالت ليهم: أنا راجلي غادي يشري المعاريف كله وهي تقول التانية: أنا راجلي غيشري التور إيفيل وهي تنقز التالتة قالت ليهم: وشكون قال ليكم راجلي باغي يبيع؟

◄ طفل 6 سنوات: ماما تنبغيك الأم : وانا نموت عليك يا ولدي الغالي شاب 17 سنة : ماما تنبغيك الأم: والله ما عندي شريال سير عند باك شاب26 سنة : ماما تنبغيك الأم: غير شوف فين دي مراتك تبات ر و الله لدخلات لدار

◄ واحد الرجل شارف (عجوز) في العمر لكن صحته جيدة , سولوه قالولو أشنو السر وراء هذه الصحة قالهم أنا مكنتغانش (يعني مكيشدش العكس مع الناس ) قالولو ميمكنش , قاليهم نعم مايمكنش (حتى هما متعاكسش معاهم ههه)

◄ واحد السّيدة سوّْلات واحد الفقيه , قالتلو أشنو الحكم نتاع : الى خرجت معا شي رجل للقهوة . قال ليها الفقيه جهنم مباشرة . قالت ليه أو زعما لنفرض الى كان هاد الرجل هو نتا . قال ليها الفقيه كتقلبي على الجنة العفريته هه

◄ كان واحد الرجل ماشي بالسيارة نتاعوا كيجري و أوقفه شرطي المرور و قال له أعطيني la carte national و أعطاه إياها و كانت صورته فيها غير واضحة و قال له أنت مكتبانش فأجابه الرجل عندك الحق غير من دار للخدمة أ من ل خدمة لدار ههه

◄ واحد البنت كانت مع واحد الولد و الولد مقاريش (لم يدرس) كانو في القهوة , ايوا جا عندهوم السرباي (garçon) قاليهم اشنو تشربو قالت ليه البنت aprés ( يعني من بعد) , قال للولد و انت ماذا تريد ان تشرب قال ليه الولد واحد aprés باردة هههه

◄ واحد الاستاذ قال للتلاميذ نتاوعو اللي سولني او ماعرفتش الاجابة نعطيه 100 درهم , او اللي سولتو أو ما جاوبش يعطيني 50 درهم , ايوا سولو واحد التلميذ , شكون هو الحيوان اللي كيطير أُو كيعوم أو كيمشي أو عندو 7 أرجل و له منقار و ....؟ قال ليه الاستاذ لم اعرف الجواب فأعطاه 100 درهم , فقال الاستاذ يا بني من هو هذا الحيوان فأجاب التلميذ لا أعرف أنا أيضا الاجابة خد 50 درهم هههه

◄ واحد المكلخ سول خوه شناهي à demain قال ليه خوه: تال غدا قال ليه :فينما كانسولك كاتقول ليا تا غدا أنا باغي نعرفها دابا

◄ الأستاذ كيشرح للتلاميذ فالكهرباء المواد العازلة و الموصلة قال لهم الخشب عازل الماء موصل...الخ ناض واحد التلميذ سولو قال ليه أستاذ قلتي لينا الماء موصل ياك قال ليه الأستاذ بطبيعة الحال قال ليه دابا إلى درنا خيط ديال الضو فالبحر هادوك لي كايعومو فالبرازيل يضربهم الضو ؟

◄ واحد سجل ختو ف من سيربح المليون سولوه علاش سجلتيها فيه قال ليهوم باش نعرف شكون الصديق لي غادي تطلب منو المساعدة

◄ واحد الوقد شاف واحد البنت رقييقة بزاااف سولها: فاش خدامة قالت ليه: عارضة هو يقول ليها: فآآشمن تيران ؟

◄ واحد مشا عاش فالشينوا هدرتو كاملة ولات بالشينوية واحد نهار مرض سيفط لواحد المكلخ من عائلتو با يقابلو فالسبيطار المهم داك خونا ناعس فالسبيطار او كايقول إكوساية إيكوساية من بعد مات فالعزو سولوه آش قال المرحوم قبل مايموت قال ليهوم وصاني على ولدو سميتو إيكوساية قالو ليه واراه إيكوساية كاتعني نوض من فوق التيو ديال الأوكسيجي

◄ واحد الشيفور ديال الكاميو عندو واحد الخدمة أو مرض سيفط المساعد ديالو قال ليه المساعد ديالو أنا راه ماكانعرفش نسوق أي حاجة طرات نقولها ليك فالتيلفون او قول ليا آش ندير المهم غادي سايق عيط على الشيفور قال ليه راه قدامي جوج ديال الرجال على ليمن او سوق على ليسر آش ندير الشيفور قال ليه ضرب دوك الجوج اللهما جوج و لا سوق على قدو شويا عاود عيط الشيفور عليه قال ليه آش درتي قال ليه واحد راه ضربتو قتلتو او الثاني راه هرب لوسط السوق هانا مازال تابعو

◄ واحد سول صاحبو بغيت نسولك إلى بست ختك واش ولينا مناسبين قال ليه لا ولينا متعادلين

◄ هادو واحد العائلة مافحالهومش ومالقاوش باش يشريو الحولي ديال العيد .. جاو دارو كاسيطة فيها صوت ديال الحولي وبداو كايطلقوها بالجهد باش بنادم يقول هاد الناس شاريين الحولي... ساق ليهم واحد المحسن الخبار ومشا شرا واحد الخروف وداه ليهم .. قال لمول الدار هاك هاد الحولي في سبيل الله باش تعيد قال ليه مول الدار راه عندنا الحولي واش مكتسمعوش . قال ليه لا راني سمعتو غير هدا لي جيبت عيدو بيه ... والاخر خليه تموسقو عليه

◄ واحد خينا شرا حولي صغير وباش مايشوهوش قدام الجيران فاش كان تايبغي يبعبع تايخشيو ليه السطل فراسو باش يتسمع الصوت غليظ ولفوه هاكاك ... واحد النهار ديك الخروف بغا يبعبع وماكان حداه حتى واحد حط يدو على فمو وبدا تايعيط لمالين الدار.. وااالسطل السطل )

◄ واحد الجزر مقرقب جا يدبح لواحد العائلة الخروف ديال العيد .. وقبل ما يدبحو قاليهم جيبو ليه شي بانيو باش يشرب قبل الدبيحة .. وفاش مد ليه البانيو طاحو ليه واحد 2 قرقوبيات من الجيب ديال قاميجة فالبانيو .. واحد الشوية زيد الحولي باش يدبحو .. ومولات الدار قالت للجزار ايوا حاول ليا على الهيدورة .. وهو ناض ديك الحولي شد الجنوية وبدا كاشرg فراسو ويقول ليها بغيتي الهيدورة ها الهيدورة ..

◄ واحد خيينا مشا شرا واحد الجدي باش يعيد .. جا دايو للدار وهو يهرب ليه وطلح فوق واحد البوطو ديال الضو .. بدا تايشوف فيه ديك الراجل .. وقال يا ربي واش انا شاري العيد ولا شاري طريسيان

◄ واحد خيينا مافحالوش ومشا للسوق يشري شي خروف ب 15 الف ريال .. مشا وقف حدا واحد عندو شي 100 حولي الناس مكاين غير شري تايسولوه بشحال الحولي 60 الف ريال .. بشحال الحولي 70 الف ريال ..شحال الحولي 80 الف ريال .. وديك خينا واقف حشمان .. وهو يشوفو مول الحوالا الناس تيجيو ويمشو وهو واقف .. قال ليه زيد اسيدي اش بعيتي .. قال ليه كاتبيع الديطاي !!

◄ واحد الشارفة ( عجوز) سمعات شي درار كايهضرو بالتوبيس واحد قال ليهوم: سمعتو الخبر الأخير ديال الحكومة غادي يزوجو الشارفات بالشباب هو يقول واحد منهم: مايمكنش قالت الشارفة: مالو قرار ديال مّوك حتى مايمكنش راه قرار ديال الحكومة هادا يمشي على الجميع

◄ 2 صحاب جالسين كاتكيفو واحد قال للاخور: سلفني 100 درهم الثاني قال: بوس ليا يدي الأول : هادي هي الصحبة باش تسلفني تدللني الثاني : حيت أنا عارف مغادي ترجعلي ديك 100 درهم حتى نبوس ليك رجلي

◄ واحد قصير قال ليه الأستاذ نوض كتب فالسبورة قال ليه: انا قصير هزني باش نكتب الأستاذ هزو هو يبدا كايضحك سولو الأستاذ : علاش كاتضحك ؟ قال ليه: منين بغيت نخرج من الدار دعات عليا الوالدة قالت ليا الله يجعل شي قرد يهزك

◄ واحد مشا عند طبيب قال ليه بغيت نداوا قال ليه الطبيب : آش عندك المريض: فينما ندوي مع شي واحد على شي موضوع كاننسى الطبيب و إمتا تجيك هاد الحالة؟ المريض: آشمن حالة

◄ واحد مبوق مرتو ولدات، سولوه آش غادي تسمي قال ليهوم: غادي نسميه بابا على اسم الوالد الله يرحمو

◄ واحد مبوق سولوه : علاش البنات ماكالعبوش كورة؟ قال ليهوم: حيت من رابع المستحيلات تلقا 11 بنت يرضاو يلبسو نفس اللون

◄ واحد مبوق سولوه: شنو هو الفرق بين التسطية و الرعب؟ قال ليهوم: التسطية هي تهر شي حد ميت و الرعب: هي يضحك شنو هو قمة الآداب و قمة الحيرة قمة الآداب: تدق فالثلاجة قبل ماتحلها و قمة الحيرة: هي شي واحد يقول ليك شكوون

◄ واحد مبوق جالس مع صاحبو مقلق سولو واحد : مالك؟ قال ليه أنا بااينا تبوقت كتر من القياس ماعرفتش و اش عندي موعد مع وحد مع 2.00 ولا عندي موعد مع جوج مع 1.00

◄ واحد الشفار شفر كرسي من القهوى او هرب شافو مول القهوى تبعو كايجري داك الشفار شاف راسو وحل هو يحط الكرسي وسط الشارع و قال لمول القهوى : جيب جيب ليا شي قهوى بالحليب

◄ تخيلو كون البنات لي كايدبحو الحولي فينما تجي تدبح الحولي يقول ماااع تهرب او الحولي ميت من الضحك فالاخر يقول ليها: صافي صافي آجي آخر مرة مابقيتش غانهضر

◄ واحد معكازبزااف ... قال لصاحبو : دبرت على خدمة. قال له مبروك فين ؟؟ قالو فمطبعه...كانكلس فوق الوراق باش مايطيروش

◄ هدا واحد البخيل فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خير

◄ قال ليك هذا وحد الاستاذ قال لتلاميذ ديالو : لي سولتو اوماجوبش يعطني 50درهم ولي سولني اوماجوبتش نعطيه 100درهم اوهو ينوض واحد الكسول قليه شنهيا الحشرة لي عندها 9999999 رجل???) بدا كيفكر اهوا يقول ليه معرفتش هاك 100درهم , قول ليا انت شناهيا ?? اوهوا يجاوب الكسول : تاانا معرفتش هاك 50درهم

◄ واحد تابع وحدة بطوموبيل ديالو طلعات ليه لقاها خايبة .قال ليها اش سميتك قالت ليه غزلان. قال ليها زيدي جهلي فيا

◄ قسم كسالى رسمات ليهم استادة ديال الرياضيات مثلت سولاتهم اش ناهوا هدا واحد لكاسول قال ليها درهم حرشا

◄ قواس كاتفرج فماتش . مشا يشرب تسجل هدف بلا مايشوفو مني دارو الاعادة ماتماركاش

◄ قالك بخيل نجح ولدوا شرا ليه بالون قال ليه الا نجحتي لعام جاي نفخها ليك معكاز شرا ليه باه محل ديال دجاج باش يجمع راسو... جات عندو واحدة قالت ليه ارا ليا شي دجاجة فيها 2 كيلو... الدري مكسل.. شاف فدجاج وقال يللاه للي فيها 2 كيلو تنوض

◄ واحدة تصاحبات معا براني.. مشاو لقهوة جا عندهم لجارسون فال ليهم اش بغيتو قال ليه البرانيpas encore سول دريا قالت ليه pas encore bien glacé

◄ واحد كياكل بلا مايقول بسم الله... واحد نهار كال كسكس بالحرور... وهوا يهز مونادا باردا .. وقال للشيطان ودابا شوف باش تبرد ... بسم الله

◄ وحدة قالت لصاحبها قول ليا شي حاجة حلوة.. قال ليها سكر... قالت ليه للللا شي حاجة تجمعنا انا وياك ... قال ليها صطافيط

◄ واحد مشا مع دريا لسينما بالعلم ديال مها... مني بدا لفيلم طفا الضو... دريا كتبكي.. قال ليها مالك.. قالت ليه قالت ليا ماما سيري ومتباتيش

◄ مبوق شاف بلاكة مكتوبة عليها 'مزرعة أبقار' ، سول مول المزرعه قاليه كيفاش كتزرعو البقر ؟ ، تفلى عليه مول المزرعه وقاليه : كنرشوا السكر و كيخرج البقر ناض المبوق لغد ليه رش السكر ، رجع من بعد نهار لقى النمل مجموع على السكر ، وهو يقول يا حليلي يا حليلي على البقر ملي كيكون صغير .

◄ واحد مول الطاكسي دخل للدار مع مرتو، وسدات الباب. قال ليها: حليه وعاودي سديه.

◄ المرا: أشنو وقع؟ الراجل جوابها من الحمام: والو، غير القميجة طاحت. المرا: ولكن داكشي اللي سمعت تقيل. الراجل: اه، حيت كنت ف القميجة

◄ سولوا واحد الفار: علاش عزيزين عليك البنات؟ قال ليهم: حتى واحد ما كيدير ليا اعتبار من غيرهم. غير كيشوفوني كيغوتوا، حسيت براسي بحال مهند

◄ دخل سجين جديد إلى السجن فقال له مدير نتاع السجن : هذا سجن نموذجي ..’ اي انه يسمح للسجين بأن يمارس العمل الذي كان يقوم به في الخارج ..... فأي مهنة كنت تمارسها خارج السجن ، فأجابه : عساس نتاع الباب

◄ واحد جاتو الفاكتورة ديال الما غالية بزاف عيط للشركة ديال الما قال ليهوم: أهياوينا، ياكما الشتا هاد العام على حسابي؟

◄ هادا واحد خينا مبوق مع راسو، وجاه البرد بزاف ملي شعل العافية ودفى مزيان، عجبو الحال، وهو يقول: الله! لهلا يحرمنا منها لا دنيا ولا آخرة.

◄ واحد المرا قالت لراجلها: شوف الحاج جارنا من كتر ما كيبغي مرتو، ملي ماتت بنى جامع بسميتها. قال ليها راجلها: والله حتى أنا راني شاري الأرض من شحال هادي، خاصك غير نتي طلقينا لبني.

◄ واحد السيد صمك كان جالس حدا واحد الطيابة. خلاها حتا ناضت باش تسخر، وهو يسرق ليها دجاجة، ودارها في قبو... ملي رجعت الطيابة، قالت ليه : السلام عليكم و هو يقول ليها : إينا دجاجة لهلا يطيح علينا شي باطل

◄ واحد قال لصاحبو: أنا احتمال خمسين بالمية نتجوج بهاديك المغنية المشهورة قال ليه صاحبو: وكيفاش زعما؟ قال ليه لاخور: أنا ودارنا موافقين، بقات غير هي ودارهم.

◄ هادا واحد مكلخ عندو شي فلوس وبغى يخبيهم ناض حفر حفرة ف الجردة، خباهم تما، ودار فوق الحفرة بلاكة كتب فيها: هنا ما كاينينش الفلوس شوية جا خوه، بانت ليه البلاكة، جبد الفلوس خداهم، ودار بلاكة كتب فيها: راه ماشي خوك اللي خدا ليك الفلوس.

◄ خضار و جزار تخاصموا على البلاصة في السوق. الجزار ضرب الخضار بكيلو وهو يسخف. جا الإسعاف دا الخضار للصبيطار،و ملي فاق لقى الفرامليا لابسين الطابليات دايرين بيه. وهو يقول ليهم: وا شهدوا عليه أمالين صيكوك، واشهدوا عليه أمالين صيكوك.

◄ واحد مشى عند مول الحانوت باش يشري الحليب، وبغى زعما يعيق و هو يقول لمول الحانوت: الله يخليك، عطيني واحد ليترو ديال العصير ديال البقر

◄ واحد المكلخ بدا يتفلسلف، قال لصاحبو ما تعطينيش بيضة، ولكن علمني كيفاش نبيض.

◄ هادو جوج مبوقين واحد عطس، ولاخور كحب الأول قال للتاني: علاش كتبدل الموضوع؟

◄ واحد الدري مدة ما شاف صاحبو، وقال يمشي لدارهم باش يسول عليه. ملي دق، حلات ليه أم صاحبو، وسولها عليه، قالت ليه: أولدي من واحد النهار سخرناه يجيب اللحم ما رجعش. قال ليها الدري: لا إله إلا الله! واشنو درتو؟ قالت ليه أم صاحبو: الدجاج

◄ مكلخ سول صاحبو : بغيت نبيع طوموبيل 205 ديالي ، بشي ثمن غالي أش ندير ؟ قاليه صاحبو : مسح هاديك 205 وكتب مرسيديس ولا BMW ، دازت مده سول صاحبو : إيوا بعتي طوموبيل ديالك ، قاليه المكلخ : واش تسيطيتي كاين شي واحد كيبيع BMW .

◄ هادا واحد قرر ينتحر، وهو يطلع فوق باطيمة مللي شاف التحت بانت ليه جوقة ديال الناس تحت لباطيمة وهو نيت ينزل يشوف أشنو واقع

/a>
طريقة الحصول على مدونة كاملة من هنا
تحصل على كامل المدونة من هنا
للمزيد من المدونات من هنا<